Monday, April 6, 2015

විදුරුමස් රෝග II (Periodontal Diseases)

කලින් ලිපියෙන් විදුරුමස් රෝග හැදෙන්නේ කොහොමද, විදුරුමස් රෝග වල රෝග ලක්ෂණ ගැන එහෙම කතා කරපු නිසා අද විදුරුමස් රෝග ගැන තවත් වැදගත් තොරතුරු ටිකක් කියන්නම්. 

විදුරුමස් රෝග සඳහා වැඩි අවදානමක් ඇති කරන සාධක කිහිපයක් තියෙනවා. මේ සාධක එකක් හෝ කිහිපයක් තියෙනවානම් ඔබට විදුරුමස් රෝග සෑදීමේ අවදානම වැඩියි. 
  • දුම්පානය: දුම්පානය ඔබට විදුරුමස් රෝග ඇති කිරීමේ හැකියාව වැඩි කරනවා. ඒ වගේම විදුරුමස් රෝග සඳහා කෙරෙන් ප්‍රතිකාර වල කාර්යක්ෂමතාවයටත් දුම්බීම බලපානවා. ඔබ නිතර දුම්පානය කරන කෙනෙක් නම් මේ ප්‍රතිකාර වලින් කිසිම ප්‍රතිඵලයක් නැති වෙන්න පුළුවන්. 
  • හෝමෝන අසමතුලිතතා: විශේෂයෙන්ම කාන්තාවන්ගේ ගර්භණී සමයේ සිදුවන හෝමෝන වෙනස් වීම විදුරුමස් රෝග් සඳහා බලපාන්න පුළුවනි. 
  • දියවැඩියාව: පාලනය නොකරන් ලද දියවැඩියා තත්වය නිසා විදුරුමස් රෝග සඳහා කෙරෙන ප්‍රතිකාර වලින් යහපත් ප්‍රතිඵල නොලැබෙන්න තිබෙන හැකියාව වැඩියි. 
  • අනෙකුත් රෝගී තත්ව: විශේෂයෙන්ම ඒඩ්ස්, පිළිකා වැනි රෝගී තත්ව නිසාත් විදුරුමස් රෝගී තත්ව ඇති වෙන්න පුළුවන්. 
  • විවිධ බෙහෙත් වර්ග: උපත් පාලන පෙති, විශාදය (depression) සඳහා ලබාගන්න බෙහෙත් වර්ග (anti depressants) සහ හෘද රෝග සඳහා ලබාගන්න සමහර බෙහෙත් වර්ග මේ සඳහා හේතු වෙන්න පුළුවන්. 
  • ජානමය හේතු 
  • මානසික ආතතිය 
  • මන්දපෝෂණය 
  • ස්ථූලතාවය 
ඔය වගේ විවිධ හේතු විදුරුමස් රෝග ඇති වෙන්න බලපාන අවදානම් සාධක විදියට ක්‍රියා කරනවා. 

සාමාන්‍යයෙන් විදුරුමස් රෝග වැඩිපුර දකින්න ලැබෙන්නේ වයස අවුරුදු 30ට වඩා වැඩි පිරිමි අයගේ බවයි පර්යේෂණ වාර්තාවල සඳහන් වන්නේ. 

විදුරුමස් රෝග වල රෝග ලක්ෂණ කලින් ලිපියේ දක්වා තිබෙනවා. ඔබට එම රෝග ලක්ෂණ තියෙනවා නම් ඉක්මනින් ප්‍රතිකාර සඳහා යොමුවීම වැදගත්. 

විදුරුම රෝග සඳහා ප්‍රතිජීවක ඖෂධ, මුබ සේදුම් දියර ආදිය භාවිතා කරන්න ඕනේ වෛද්‍ය උපදෙස් යටතේ පමණයි. වෛද්‍ය උපදෙස් වලින් තොරව ඒ සඳහා යොමුවීම සුදුසු නැහැ. 

දත් බුරුසුවකින් දත් මැදීමට ආදේශකයක් විදියට මුඛ සේදුම් දියර භාවිතා නොකළ යුතුයි. මුඛ සේදුම් දියරයෙන් දත් වල් බැඳී ඇති මැලියම් ඉවත් වන්නේ නැහැ. ඒ නිසා දත් බුරුසුවකින් දත් මැදීම අත්‍යවශ්‍ය වෙනවා. 

විදුරුමස් රෝග වළක්වා ගැනීම සඳහා පහත දක්වා ඇති උපදෙස් අනුගමනය කරන්න පුළුවන්. 

  • සිනිඳු කෙඳි ඇති (soft) බුරුසුවකින් දවසට දෙවරක් දත් මැදීම. මේ සඳහා ෆ්ලෝරයිඩ් අඩංගු දන්තාලේප වර්ගයක් පාවිච්චි කරන්න. 
  • සෑම මාස 6කට වරක්වත් දන්ත වෛද්‍යවරයෙක් හමුවෙලා ඔබේ දත් පරීක්ෂා කරගෙනීම. 
  • දුම් පානයෙන් වැළකීම.
  • දියවැඩියා තත්වය පාලනය කර ගැනීම. 
විදුරුමස් රෝග වළක්වා ගැනීම මගින් දිගු කාලයක් පවතින් සුන්දර සිනහවකට හිමිකම් කියන්න ඔබටත් පුළුවන්. 



විදුරුමස් රෝග ගැන වගේම අනෙකුත් ගැටලු ගැනත් අපිට ලියන්න. මේ සඳහා කමෙන්ට් වගේම, මේ පිටුවේ උඩින්ම දක්වා තිබෙන ඊමේල් ලිපිනයත් භාවිත කරන්න ඔබට පුළුවන්. 



12 comments:

  1. සිගරට් බොන උන්ට තවත් බාධකයක්...
    සිගරට් බීමෙන් දත් හැලෙනවනම් හොදයි...

    ReplyDelete
    Replies
    1. සිගරට් බොන එක ගොඩක් රෝග් වලට මුල.

      Delete
  2. වටිනා ලිපියක්..... දිගට ම ලියමු... දත්ටිකවත් රැකෙයිනේ අපේ

    ReplyDelete
  3. විදුරුමස් රෝග වලට බුලත් විට කෑමත් හේතු වෙනවා නේද? වෙළෙඳපොළේ තියන එක එක ජාතියේ දන්තාලේප අතරෙන් හොඳ වර්ගයක් තෝර ගන්නෙ කොහොමද?

    ReplyDelete
    Replies
    1. මම දන්න තරමින් විදුරුමස් රෝග වලට නම් බුලත් විට කෑමේ සම්බන්ධයක් නැහැ. ඒත් වඩා භයානක මුඛ රෝග රාශියකට හේතු වෙනවා බුලත් විට කෑම.

      දන්තාලේපයක් තෝරගන්නකොට ෆ්ලෝරයිඩ් අඩංගු දන්තාලේපයක් තෝරගන්න එක හොඳයි.
      "Whitening toothpaste" වල abrasives අඩංගු වෙනවා. ඒවා දිගු කාලයක් පාවිච්චි කිරීමෙන් එනමලයට හානි සිදු වෙන්න පුළුවන්. ඒ නිසා දිගු කාලයක් පාවිච්චි කිරීම සුදුසු නැහැ.

      Delete
  4. දුම්පානය පොතක් කියවලා දැන් පහසුවෙන් නතර කිරීමට පුළුවන්.ඒ පොත කියවලා ඉවර උනාම ආයේ සිගරට් බොන්න හිතෙන්නේ නැහැ.පොත ඩවුන්ලෝඩ් කරගන්න මේ වෙබ් පිටුවට යන්න.
    you can stop smoking easily and permanently just by reading a magic book. after reading this book you feel no temptation to smoke again.To download this book visit
    http://www.facebook.com/easywaysrilanka

    ReplyDelete
  5. oral lichen planus gana විස්තර ට්කක් පාලනය කර ගැනිම. අයුරුවේද හෝ ප්‍රතිකාර තිබේද?

    ReplyDelete
    Replies
    1. Oral Lichen Planus කියන්නේ ප්‍රතිශක්තිකරණ පද්ධතිය ආශ්‍රිත රෝගයක්. එය සාමාන්‍ය සමේ රෝගයක් වගෙයි. නිට්ටාවටම සුව කරන්න බැහැ. පාලනය කිරීමයි කර හැක්කේ. මෙය සැරින් සැරේ මතුවෙන්න පුළුවන්. විවිධ හේතු නිසා. මානසික ආතතිය නිසාත් නැවත මතුවෙන්න පුළුවන්. එසේ මතු වුණොත් steroid cream වර්ග භාවිතයෙන් සුව කරන්න පුළුවන්..

      Delete
  6. oral lichen planus gana විස්තර ට්කක් පාලනය කර ගැනිම. අයුරුවේද හෝ ප්‍රතිකාර තිබේද?

    ReplyDelete
    Replies
    1. Oral Lichen Planus කියන්නේ ප්‍රතිශක්තිකරණ පද්ධතිය ආශ්‍රිත රෝගයක්. එය සාමාන්‍ය සමේ රෝගයක් වගෙයි. නිට්ටාවටම සුව කරන්න බැහැ. පාලනය කිරීමයි කර හැක්කේ. මෙය සැරින් සැරේ මතුවෙන්න පුළුවන්. විවිධ හේතු නිසා. මානසික ආතතිය නිසාත් නැවත මතුවෙන්න පුළුවන්. එසේ මතු වුණොත් steroid cream වර්ග භාවිතයෙන් සුව කරන්න පුළුවන්..

      Delete